Տէր Թովմաս Հալիք` Չեխ քահանայ մը արժանացաւ 2014 ''Թեմբլեթոն'' մրցանակին։
Կրօնքի ազատութեան 2014-ի ''Թեմբլեթոն'' մրցանակը այս տարի շնորհուած է իմաստասէր ու
կրօներու ուսումասէր` տէր Թովմաս Հալիք` Զեխ քահանայի մը, որ իր ''կեանքը նուիրած է կրօնքի
ազատութեան, համայնավարութեան տարիներուն ու ներկայիս կը գործէ` ի սպաս կրօներու եւ թերահաւատ
հետ երկխօսութեան'', կը մատնանշէ ''Թեմբլեթոն'' հիմնադրամը։ Պարգեւատրութիւնը, որ
համազօր է 1,6 միլիոն Զուիցերական ֆրանքի, տեղի ունեցաւ անցեալ 14 մայիսին Լոնտոնի մէջ։
Յայտնենք որ ''Թեմբլոդոն'' մրցանակը ամէն տարի կը շնորհուի այն անձին որ բացառիկ
կերպով կ'աշխատի հոգեւոր ծաւալին ի խնդիր։ Տէր Թովմաս Հալիք` կաթողիկէ քահանան, Կեդրոնական
Եւրոպայի մեծագոյն մտաւորականներէն մին է։ Հեղինակ է աւելի քան 20 հատորի, թարգմանուած
բազմաթիւ լեզուներով։ Ան մրցանակիր է աւելի քան տասնեակ պատուոյ մրցանակներու։